مصرر ام الدنيا اشهدوا يا ناس

يارب الرحمه والستر من عندك 
ارزق بيهم عبدك 
واهدى بيهم الناس فى ارضك 
الناس عايشه فى ضلال وزمن الفتن 
ومن اللى بنشوفه الناس عايشه فى شجن 
دم انسان بينزف وروح بتطلع فى ثانية
انت اللى عالم بيها ان كانت نار ولا جنه
يارب انت اللى كاتب اللى بنشوفه
وعالم ايه جاى بكره
احمى قلبى من خوفه
واجعل صبرنا اخره جنه
احمى بلدى يا الله
دا فيها ناس غلابه
الشر مش شيفاه
من قلوبها الطيابه
الناس تعبت وقالت الاه
من شويه ناس كدابه
ماهماش عارفين مين كداب
ما اصل الاتنين ولادها
عايشين فى حرب وعذاب
بس بلدنا عايشه بعنادها
بتعاند مع نفسها وبتعافر
وتقول انا صامده ومحدش هيسيبنى ويسافر
ولادى حالفين يحمونى
وان كانت دى غمه استحملوا واعذرونى
اصلى كبيره اوى فى عيون الناس
دى مصر ام الدنيا اشهدو يا ناس
ربى حاميها وحارسها
والنصر فى الاخر هيصيبها 
#منار_ايهاب

فكر

عايش حياتك بالطول والعرض
عمرك فكرت فى يوم العرض
هتقول ايه على تقصيرك
جهل ولا كسل ولا نوم ضميرك
اعرف انك لسه محظوظ 
وربك بيحبك وسايب فيك الروح
الحق راجع نفسك وصلحها
حارب شيطانك بالطاعه والقرب من الرحمن
افتكر ان فى قبلك ناس غطاهم التراب
متقولش انا مبغلطش وقريب من ربى
مافيش حد مبيغلطش
كلنا بنغلط بس فى فرق ان فى ناس عارفه انها بتغلط
وناس مش واخده بالها من الغلط او متعرفهوش
ركز فى حياتك واعرف غلطاتك
بقلم :منار ايهاب

مؤيد و معارض

بداية الحكايه بسؤال 
مؤيد ولا ضد التيار 
هجاوب وهطلع ضدك 
وهيبدا ما بينا حوار 
لازم تقتنع برأيى ما اصلى انا الصح 
ولو خلاص مقتنعتش يبقى حياتك بح
ما انت يا تبقى رأيك من رأيى
يا تموت قبل ما تضيق خلقى
مع اننا ناسيين انها مركب واحده وشيلانا
وكل اللى بيحصل دا اخره هننضرب على قفانا 
#منار_ايهاب

دوام الحال .

دوام الحال يا دنيا محال
دنيا دواره زى الساقيه
بكره لو كان ليك بعده هيبقى عليك
ما انت عايش فيها داين تدان
وزى ما فى يوم ظلمت وقسيت
هيجى اللى يخلص الحق ويظلمك ويدوس عليك
ويوم ظلمك دا بيبقى حلاوه روح وبتبقى فاكر ان النصر دايملك
وتفتضل تكابر وتقول انا على حق
بس يوم ما هتقع ويترد حق اللى ظلمتهم هتعرف ان نصره الظالم ساعه
ونصره المظلوم باقى الدهر

... شوف بقا ..

...شوف بقا ...
اصلها فى الاول والاخر تلاكيك 
... هي كدا ...
هزعل هبعد مش هقدر وارجع اراضيك 
تزعل هصالحك وهفضل احايل فيك
دا من قلبى اللى حبك ومات فيك
يمكن دا حقك و واجبى عليك
و يمكن دا قدرى وشوقى اليك
... هعمل ايه ...
ما انت حلالى وعمرى بدأ بيك
هفديك بروحى ومن شر نفسك هحميك
ويوم ما تفكر تزعل بحنية قلبى هداويك
بس مش هستنى منك غير حاجه واحده
ان كل دا على الله يطمر فيك  
#منار_ايهاب

انا مش شاعر .

انا مش شاعر ولا حتى حساس 
ولا جوايا كلام بيحبه الناس 
انا قلب مفتوح للجميع 
وعيون شايفه الدنيا ربيع 
انا حلم مولود ولسه بيحبى 
وامل جوا الكون موجود
انا كابوس اتهد وجواه ايمان قادر يبنى
ويوصل لطريقه ويشقه بجد
انا كيان عايش بابتسامه
انا فرحه من غير حزن وملامه
انا مش شاعر ولا حتى حساس
انا كوبايه كوكتيل متلخبطه
امل على ايمان على شويه حماس
انا حياه مرسومه ومتخططه
انا مش شاعر ولا حتى حساس
انا انسان الايمان ليه مقياس 
#منار_ايهاب

مبقاش فارق

مبقاش فارق
اننا نتفارق
مدام قلبى مغرب
وقلبك شارق
اصلك مش موجوع 
ولا فى وجعى داقق
انت همك نفسك
وفى راحتك غارق
لكن انا مين وايه
ليه؟؟؟
ما هو وجعى مش فارق
انا ضحكه برسمها
لكن قلبى ازاى
هتقول ...
بس كلام مش صادق
لحد هنا خلص الكلام
ما طريقنا كله مفارق
بقلم

#منار_ايهاب

يمكن

يمكن بكره احس بيكى
يمكن احبك زيك تمام
يمكن قلبى يقرب ليكى
وتحسى معاه بالامان
لكن دلوقت خلينا بعاد 
مافيش بينا اى مشاعر
خلى الحب من غير معاد
خلى الفرح هو اللى باين
وقت ما قلبى يدق هقولك
واجرى عليكى بقلب ملهوف
لكن دلوقت خلينا صحاب
واخر الطريق سوا نشوف
يمكن وجايز بكره احبك
ويمكن بردو الاقى غيرك
وان كنت ساكن جوا قلبك
هبعد والدمع هتشوفه عينك
اصله مش ذنبى ولا بمزاجى
انا بس بجرب الحب معاكى
جايز ويمكن بكره احبك
وجايز بردو اشوف حد تانى
بقلم
#منار_ايهاب